超爽快體驗 Apple iPad
Wi-Fi版iPad，16GB被被炒至最高$7,000成交，是否物有所值，真的是見仁見智，但以Apple Mac友角度出發，一句早買早享受已值回機價。問心一句老實話，一直以來看iPad的相片，筆者都是未曾心動過的，不過是一部壓平拉大了的iPod touch，有啥稀奇，為甚麼要買。但Apple產品永遠是真身魔力沒法擋，放大了的屏幕配上那個鋁質背殼，加上那個metallic black apple logo，單是第一印象，市場上所有PMP及平板電腦已經要行開。拎上手，遠比想像輕巧，感覺就似在用mac book air的屏幕去上網似的，想像一下拎住iPad周圍去上網的畫面之後，不入手之心已大為動搖。外貌，Apple就一向都係無敵的了，若單是樣靚就要買，那所有Apple products都要買了，因此是否好用才更緊要。試用了約1個小時，iPad推出的一大理由，是方便用家隨時上網，在Wi-Fi訊號接收良好的情況下，iPad上網的表現只有一個字來形容，爽！iPad支援高速802.11n制式，網頁讀取速度十分理想，click入YouTube睇一條片，2秒左右已經load好，差不多是一click就有得睇。全新設計的Apple A4 1GHz處理器真的見面更勝聞名，執行最新版iPhone OS真的比iPhone 3GS爽了很多，程式讀取更為流暢之外，影片的質素及音效亦令人滿意。那個9.7吋1280 X 768 LED-backlit，顏色層次表現極佳的芒，簡直可以用無敵來形容。當然有用家上網表示iPad的Wi-Fi收訊不穩定，但試用的一部在1個小時內真的表現良好，卻是不爭事實。另外看iBook方面，揭頁的反應良好，放大縮小時暢順，是從未有過的電子閱讀經驗，上網同睇iBook兩大功能，幾近無可挑剔。
樣靚加上功能好，即係要買啦！又未住喎！要數缺點，iPad也不是沒有的，首先是裝apps方面，現在只接受美國戶口，換言之即是冇美國戶口的香港人暫時冇得裝apps住，變相把iPad的武功廢了一截。另一功能iBook呢，都係sorry，香港暫時未有有關方面的服務提供，客觀環境變相又斬了「她」的一臂。仲有香港的Wi-Fi接收點真的不算普及，假如閣下真的是每分每秒都要上網的話，不是該等之後推出的3G HSPA數據傳輸版本嗎？又現時亦不支援繁體字輸入，用不慣簡體字的我們，用落始終不夠順手。七除八扣後，iPad不就真的是一部放大了的iPod touch麼？現階段來說，真的如此，當然iPad的上網及運作程式的表現好很多啦！加上前述問題，在日後OS提升及行貨正式輸入時一定可以解決，以Apple的官方定價來說，是有型又抵玩的了，要改變大家的上網及使用電腦的習慣也不是沒可能。可問題就是如今入手要捱炒價，值得嗎？個人意見，不值得。加上Apple過去的慣例，第1代產品多數有很多地方可以改善，而且也一定會在第2代中把死穴封好，若不是急於向友人show off，等多陣啦！
Spec
售價：16GB$5,980（截稿前）
屏幕：9.7吋1280 X 768 LED-backlit
容量：16GB/32GB/64GB
處理器：Apple A4 1GHz
尺寸：242.8 X189.7 X 13.4mm
重量：0.68 kg
查詢：G-World/2396 6380
[b]iPad超專業測試
[/b] 用了一個鐘覺得可以等，那真的已入手，玩了一大輪的人又有何意見呢？大家都想知吧！所以這次就找來玩了近一星期，31版iPad大特集主理，《PCM電腦廣場》首席記者Alan Ng發表一下專業意見。
「iPad比我想像中好好多，就講睇書，我用我個美國戶口上iBook買咗幾本書，iPad真係俾到我好實在嘅睇書感覺，特別係睇漫畫時，連篤兩下之後，會放大一格，再掃佢就會自動去放大嘅下一格，要知道漫畫分格大細分別好大，但iPad連咁都做到，真係好大驚喜。另外我覺得個屏幕真係好靚，所以亦令到閱讀iBook嘅感覺十分好，仲有一開就有得睇，同要boot一陣先有得睇呢個分別，其他eReader根本無得比。不過要補充一點係試機期間都係陰天，無試過喺強烈日光下效果係點，iPad係隨身嘢，如果日光下難睇就要扣分。」
iBook超掂，iPad專用嘅apps呢？「都係一流，聲色畫效果都好好，而且全部都好順，當你去打games就更加體會到iPhone同佢之間嘅分別，最低價由之前USD$0.99急升到$4.99都物有所值。呢啲都係個Apple A4 1GHz處理器功勞，我覺得Apple今次推出iPad，亦都係想試試個Apple A4 1GHz功能，效果明顯地令人滿意，上網時左捽右掃都好順。」但係而家香港裝唔到iBook同iPad apps。「開個美國戶口都唔算好難，再唔係用gift card亦得，如果咁都煩，用番自己iPhone裝開嘅apps都得，不過用唔晒成個畫面就真係嘥囉！」
咁即係要唔要入手呢？「一定要買，配番之前iMac個無線keyboard，iPad就係更輕更抵用嘅net book。但係我講嘅一定要買唔係話而家，要買我都揀3G HSPA數據傳輸版買，你用iPad企定定上網，好似唔多對鏡喎！」即係要等官方香港版，好似有排喎！「美版都得啦，而家已經有人話JB到iPad，唔發布住，就係驚Apple將個漏洞封番，到3G版出時又要等同搞一大輪，如果所言非虛，即係話3G版就會好似當年iPhone 2G咁，美國以外都用到。點都好啦，而家呢個炒價，或者將來3G版個炒價，如果唔係工作需要，真係應該再等多陣先買，我個人意見，就會等到有繁中輸入時先買。」
[attach]1300898[/attach]
[attach]1300899[/attach]
超爽快體驗 Apple iPad
[attach]1300900[/attach]
驟看iPad較iPhone薄，但一併之下其實差不多
[attach]1300901[/attach]
上網睇YouTube是快得有點過分 thx了 太貴了:L 太貴了 好似真係好靚咁.... 真是好鬼貴 good~
thx for sharing! 感謝分享............................ good:victory: thx for sharing Thanks Very Good ! 感謝分享 thx for sharing 感謝分享...................................................... thx了 Doesn't worth it ~~ thx for share 未到實制的用途.....觀望下先 谢谢分享