插件索引
           
常用工具
查看積分策略說明 打印

如何在ebay或yahoo拍賣網賺錢

香港易存網庫 [服務器租用|easyhost.com.hk] 域名 電郵 VPN 網頁寄存 快速穩定 雲端 Hosting Server 電話:(852)-21550486 / (86)-21-61979257 服務:[ 資訊, 電郵服務, 資訊網絡, 網頁儲存, 網頁設計, 網站設計, 網頁寄存, 網站寄存, 主機租用, 主機托管, 伺服器管理, 伺服器租用, 伺服器托管, 服務器租用, 服務器托管, 香港服務器托管, 香港服務器租用, 域名註冊, 網站地圖, 客戶優惠, 報章報導, web hosting, hosting, email service, web page design, web design, dedicated server, dedicated host, server management, server colocation, colocation, Virtual Host, MPLS, CDN, IPLC ]

如何在ebay或yahoo拍賣網賺錢

如何在ebay或yahoo拍賣網賺錢 以下純屬個人意見,係我做6年拍賣經驗之談。不過都係入門野同埋要主意既地方,至於點賺錢就要靠你自己,要食腦同埋自己做research,要做好多方面既research,好多marketing 同採購元素係入面,呢方面我就唔講咁多。
經ebay大力推廣同埋報紙雜志既實例,而家好多rookie都想試下網上拍賣,因為見到報紙雜紙好多成功例子。但其實實際唔一定好做,你貨多可以自己host 一個公司web site 仲好做,如果你貨唔多,想搵外快,其實只有三個選擇,ebay/ yahoo HK / 淘寶。你先要target 你賣既貨係比D咩人,ebay 國外、yahoo本地、淘寶大陸。
淘寶
淘寶好處係不需任何費用,不過壞處係因為不用費用,所以競真超激烈,你mark 價之後基本上3日內必有對家頂死你,佢地做research好密,一見你價錢低過佢佢立刻mark價平過你。做淘寶要經常看對手mark 價,要哂好多時間,賺錢唔多。在淘寶通常係賣香港貨,大陸貨你唔夠國內既人平,不過國內既買家好多都鍾意買香港貨,貪佢有保証,一般都係D日常用品呀、奶粉呀、香水、化妝品....etc,你登記後戶口名旁會寫明香港,所以大陸買家通常會找香港賣家既貨,不過大陸勁多香港賣家,競真太多,除非你做批發羅到平貨,如果唔係賺得好少。仲有香港寄內地郵費唔平,通常D香港D賣家都有專人帶貨返大陸先寄,因為平好多,又或者好似我,成日返大陸,自己帶過關,返到大陸先叫快遞黎大陸屋企收件。
ebay
無可否認,ebay係有機會賺最多錢,因為係全世界既,不過而家係ebay賺錢唔易,因為越黎越多人加入,競爭好勁,大家鬥平,而家以經冇咩肉食。幾年前賣咩垃圾都賺錢,一個月賺幾萬已經算少,但而家就唔得拉。賣大陸貨唔夠大陸同胞平,賣日本貨唔夠日本本土平,賣香港貨大把對家同你鬥平,加上所有貨幣勁跌、日元升,港元又跟美元掛勾,各國差價已不再存在,以前香港賣既平貨,因其他貨幣勁跌,佢地係自己本土買唔貴過你香港太多,所以佢地情愿係返自己本土買,起碼冇risk。如果你打算做ebay,你一定要賣D只有你有但人地冇既先可生存,又或者未有人發現,又或者係你來貨價比別人平你先有得做。如果係扣除ebay同paypal費用之前你只有15%以下利潤我建意你唔洗做拉。因為ebay同paypal食水極深,一般你預佢食你10%左右,ebay上架費、final value費、paypal費用、再加paypal比銀行低D既匯率,呢D已經斬到你一頸血,賺幾個%除非你賣好多貨,如果唔係得個做字。好多人看完報紙雜志D成功例子以為好簡單,其實好多都係gimmick或出下風頭,真正ebay高手係絕對唔會上報紙雜紙話比人知佢賣咩,因為賣咩係秘密,因為係佢地唯一既財路,話比人聽就即係拆自己財路,你都知香港人幾醒,轉頭就會跟風,大把新人同你爭市場,所以一般老手賣貨都會盡力收藏自己,也寫明貨不寄香港和大陸,以防行家踏場。新手而家先想賣玩具同電器就唔洗做,都唔怕話你知,也不怕你踏隻腳黎爭食,因為新手好難做。賣玩具已經比香港D老手賺左好多年,以前勁好賺,但而家…哈哈。個市已經比各大老手大家頂到爛哂,再加上日本同大陸既賣家爭食,而家已經冇得做,我2年前已冇再賣玩具,因為冇咩肉食又哂時間,賣其他仲好。電器除非你係做批發來貨比別人平先有得做,如果要同零售羅貨實冇得賺,競爭太大了。放且賣電器風險比其他野高好多倍,ebay有好多PK買家專買完話收唔到貨同paypal claim 錢,如果佢用credit card 經 paypal 比錢,百份百claim到錢,你百份百要賠錢,唔洗多,一個月兩三單已經要你嘔突賺既錢。你有tracking number 都冇用,paypal 一定會逼你賠比客。你仲要成受貨件寄失風險,冇買保險郵局只陪一千,買保險買家又唔一定肯,因為填原價買家國家海關要抽好貴既稅,仲有如果一個唔小心比ebay suspend 你account,你要破產都似。而家賣波鞋?算把拉,好多年前已經有大把靚仔係ebay做緊。遊戲機?剛剛出Wii 同 PS3 個陣已經比成班ebay 老手食左頭啖湯拉。所以一般貨品新手都唔洗想,賺錢既都比老手一早立左黎做,佢地成日都做市場research架。不過我唔係想打沉新手,不過如果你想做ebay最好就係賣自己設計既產品,或你來貨比別人平,或者唔多人有貨既野先好賣,仲要係毛利高既。報紙雜志個D唔好信,佢地生意額好大,但利潤極低,仲要幾個人分。
Yahoo
收費平,但係只係本地客,新手可以先係到試下,其實都唔係咁差,因為始終有好多人唔敢係外國拍賣買野,因為要先比錢,又唔知收唔收到貨,又唔知有冇壞,所以本地都有佢既市場,但毛利會低,係yahoo 10個買家10個講價,係大陸都係,不過你唔洗做包裝,會方便D。
P.S
而家好多seller 都被國內D賣家頂到上氣唔接下氣,因為大陸人真係mark 價mark得好盡,香港D seller 一般十元八塊幾十蚊一般都唔會做,因為又要包裝又要寫野,搞一大輪先賺雞碎咁多,但係大陸就唔係,D seller 真係賺10蚊佢都做,只要係老手同行家,其實大陸seller 來貨價我地都知道,見佢真係賺10蚊都賣,點同佢地鬥?所以老手而家都做得幾辛苦,除了經常要隱藏唔比香港同行同seller 發覺,仲唔會亂咁賣其他野,因為你賣既新野如果一踏入人地既地頭,就會引發連鎖反應,比對家起你底看你賣開D咩,之後跟你賣你既item同你搶食,結果得不償失。我做左6年網上拍賣,而家都要出返黎搵工,你話網上而家幾難搵食?

做ebay要注意既 (一定要follow,好多人一邊鬧一邊用,都冇法,因為得佢一個網可以賣海外,好多新手或者用左ebay一段時間既係度認叻話自己冇試過suspend account,話只係D人唔識做先比人suspend,但事實唔係咁,冇比ebay suspend 過account 只代表你賣貨量少,貨價唔貴,ebay同paypal都懶得監察你個戶口,所有老手必給ebay同paypal suspend 過,有D搞返掂,有D搞唔掂,所以你要盡所有方法唔好比人suspend左個account,如果唔係會搞到好麻煩,點麻煩我唔再從複講,係其他thread已經講左(一定搞到你一身蟻,超麻煩),總知新手一定要follow,冇點你:
- 唔好用人地部電腦log in 入 ebay
- 盡量唔好係網吧log in ebay(fix IP 問題)
- 盡量唔好係外地log in ebay

- 唔好用朋友email
- 唔好用朋友 harddisk
(ebay system 好敏感,任何ebay suspend account 用過既電腦、IP、電郵、地址、電話ebay 什至你電腦名稱同你harddisk 一D紀錄都有記錄。等一下無端端比人ban account 會死得不明不白,佢地絕對唔會聽你任何explaination)
-記輕既野唔用EMS 都一定要用掛號,2kg以下貨品可當信寄平D,不過一定要用掛號,以防有時有D PK 或癲佬屈你冇寄。當parcel 寄就一定有tracking number。雖然我講過話tracking no. 冇咩用,因為paypal係唔會認同你張receipt 代表你寄個件貨就係auction個件,不過如果個買家有良知既話,佢收到貨會同你close返個dispute,係dispute 其間,加果你提供唔到tracking number 比paypal,佢地就會係一段時間內自動退還所有錢比買家,如果你有tracking number 比paypal,可以hold 住d錢唔退住,係paypal內先凍結,直至買家收貨後佢close dispute 就會比返你。(如果買家唔玩野既話)
- 好多客會要求你係報關填平D價錢,等佢唔洗交關稅,因為好多國加稅重,抽樣抽中買家要打重稅,佢既要求你應唔應成你自己諗,報細數寄失左郵局只會賠你填既數,到時寄失你冇左件貨,重要嘔返D錢比買家,得不償失。但你唔填細數佢又可能唔買,因為稅重,所以呢D自己行量
- 買保險,寄野貴既要買保險,寄失有得賠,不過如果壞左好難claim,除非你寄到去個盒變哂形,可叫買家影底D相,包裝千其唔好掉左佢。要keep。寄西班牙SPAIN一定要買保險,個度寄失率係全球最高既,寄開野既人都知,寄10件預左5件會冇左,其實唔係寄失,而係到左海關或郵局之後有人……     。寄意大利最煩,要4張invoice先可以寄。其他國家,唔好諗住收左錢之後寄失唔關你事,買家收唔到貨都係你既問題,你要賠錢,所以一定要買保險。
- 唔好突然平時賣開10件平價貨,突然一日狂上架賣貴價既貨或同一貨品不停從複上架,ebay好敏感,會以為你想立錢走佬,想賣貴野數量又多要慢慢咁加上去,最好等買家留左feedback先慢慢加 QTY。
- 同ebay 同 paypal 有問題比人暫時suspend account 或 hold 住D錢時一定要冷靜,你爆哂粗或勁劣態度只會比佢地封殺你戶口更快,令你戶口永不超生,要有禮貌,解釋要有point,唔好就去打幾千字去解釋,冇人會睇,又長又沉。寫重點ok。(雖然佢地真係超級PK,答親都係model answer,每次答完等於冇答,係咁拖,調查結果不公開又閉門黑箱作業,基本上你打去explain任何野都係廢既,買家claim錢你一定要賠,戶口suspend你亦唔洗哂口水。但你要用佢service就冇法要忍佢,好多人一邊小爆ebay一邊都要用,冇法,得佢一個出名auction platform,不過好多人都頂住條氣黎用,如果將來有一個類似既auction site,我估會有好多人走。)
- 同買家有問題,有好多買家發爛渣,唔講道理,千奇唔好同佢argue,佢一complain 你冇好處,佢又可以留你壞評,又可以claim 你錢,所以要忍,先認同佢講法,然後賠少少錢比佢了事,通常佢地點嬲都好,都係為錢,做生意係咁,冇法,好過佢成件退返黎搵或發爛渣話冇收過到時搵黎搞,不過同佢做賠錢協議時附帶條件要佢同你寫一個好評,如果唔係佢羅左錢都留你壞評你都吹佢唔漲。
- 買家要係paypal 向你claim錢要在45日內,留壞評是2個月內,所以係呢2個月內如果佢未留feedback都唔好得罪佢。

- 如果決定賣電器真係要好小心,有d PK買家真係會話冇收過貨,或者話你寄左件垃圾比佢呃佢錢之後向paypal claim 錢要你退款,你有tracking number 冇用,一般黎講寄貨單証明唔到咩。至於最常用招數就係話你既電器有少少問題,話有一兩個功能壞壞地用唔到,要你partial refund 比佢,一係full refund 比佢之後佢留個壞評比你,一係你回一部份錢比佢佢留一個positive feedback 比你。呢招好多買家用,變相打左折。通常賣家為左唔影響生意都要局住回少少水比買家。呢個係paypal其中一個漏洞,佢地一有dispute一定係幫買家,所以有唔少買家用漏洞搵食。
P.S 如果你只係賣幾十蚊幾百蚊貨仔,量又唔多,電腦ban account 問題可以不理。額唔大通常佢地都懶得monitor你個account。

最後提醒大家,就算ebay賺到D錢,都千其唔好唔返工,失業都要繼續搵工,過來人,真係冇點你,做ebay唔好彩比人ban account 或生意一唔好,到時你想搵工都好困難,每件你賣既貨都有一個生存期,一過左就會直線下插,每多一個競真對手你既生意分分鐘跌一半有多(平時點止一個),所以要成日轉賣不同既野,不過賺錢既野又比你搵到既真係好少,可能做幾個月research都搵唔到新野賣。係ebay賣野係resume 唔算係好reference,除非你做得好大。始終打工有fix salary。你太倚賴ebay,一ban account 你就即時坐係到係屋企望住四幅牆。所以記得做ebay之餘誓要保自己飯碗,唔好唔返工或比人炒,我以前係大公司做,我老板就勁唔like我,日日羅好多野返公司等lunch去寄,老板娘成日以為我偷公司野,好彩我D同事個個都幫我同佢地explain。不過我就係因為自己太自信,ebay個陣賺唔少,根本返唔返工都冇所謂,所以自己resign,而家咪賴哂野,競爭太激烈,搵新野賣又冇咩,剩返幾樣獨家野賣,但都賺得唔多,而家想搵返工都難。


分享這個話題到你的Facebook

TOP

我過路ONLY

TOP

如果有香港人有興趣在中國做Ebay,我可以幫

TOP

TOP

that is great!!

TOP

现在易趣好像比淘宝有点距离了

TOP

吞食天地3 Mobile
 
P幣 1萬可換VIP權限1天為大眾服務,請即加入版主行列千真萬確! P黃金可換港元HKD(2:1)Donate to us